ސްރީލަންކާއަށް ކުރިމަތިވެފައިވާ ކާރިސާއާ ގުޅިގެން އެހީތެރިކަން ފޯރުކޮށްދިނުމަށް ކުރިއަށްގެންދާ "ސިލޯނާއެކު ދިވެހީން" ޓެލެތޯންގެ އިންތިޒާމްތައް ޕީއެސްއެމްއިން ހަމަޖައްސާފައިވަނީ ވަރަށް ފުރިހަމައަށްކަމަށް ޓެލެތޯންގެ އޮޑިޓް ޕާޓްނަރ ،ކްރޯ މޯލްޑިވްސްއިން ބުނެފިއެވެ.
ސިލޯނާއެކު ދިވެހީން ޓެލެތޯނަކީ ޕީއެސްއެމްއިން އިސްނަގައިގެން ރާއްޖޭގެ 37 މީޑިއާއެއް ގުޅިގެން ކުރިއަށް ގެންދާ މި ޓެލެތޯން ފެށީ އާދިއްތަ ދުވަހު ހެނދުނު 9:00 ގައެވެ.
ޓެލެތޯންގެ އޮފިޝަލް އޮޑިޓް ޕާޓްނަރ، ކްރޯ މޯލްޑިވްސްއިން ބުނީ ޓެލެތޯންގެ ހުރިހާ އިންތިޒާމްތަކެއް ޕީއެސްއެމްއިން ހަމަޖައްސާފައިވަނީ ވަރަށް ފުރިހަމައަށްކަމަށާއި،.ޓެލެތޯންެގެ ކަންކަން ކުރިއަށްދަނީވެސް ވަރަށް ރަނގަޅަށްކަމަށެވެ.
ކްރޯ މޯލްޑިވްސްއިން ބުނީ ޓެލެތޯންގެ ކަންކަން ދެ ފުށް ފެންނަ ގޮތަކަށް ހިނގާ ކަން ޔަގީންކޮށް، އަމާނާތްތެރިކަމާއެކު ފައިސާ ރައްދު ކުރުމުގެ ޔަގީންކަން އެބައޮތްކަމަށެވެ.
ޓެލެތޯންގެ އޮޑިޓް ޕާޓްނަރަކަށް ހަމަޖައްސާފައިވާ ކްރޯ މޯލްޑިވްސްއިން ޓެލެތޯންގެ މަސައްކަތް ކުރިއަށްގެންދަނީ ހިލޭ ސާބަހަށް ކުރައްވާ މަސައްކަތެއްގެ ގޮތުގައެވެ.
އާދިއްތަދުވަހުގެރޭ މެންދަމު 1:00ޖެހުމާ ހަމައަށް ޓެލެތޯން ކުރިއަށްގެންދަން ކުރިން ނިންމާފައި އޮތްނަމަވެސް، މިޓެލެތޯނުގައި ބައިވެރިވުމުގެ ފުރުސަތު ވީހާވެސް ގިނަ ބަޔަކަށް ދިނުމުގެ ގޮތުން ހޯމަދުވަހުގެ މެންދުރުފަހު 2:00 ޖެހުމާއި ހަމައަށް ޓެލެތޯން ކުރިއަށް ގެންދިއުމަށް މިހާރު ވަނީ ނިންމާފައެވެ.