މޯލްޑިވްސް ޓްރެވެލް އެޖެންޓްސް އެންޑް ޓުއަރ އޮޕަރޭޓާރސް (މަޓާޓޯ)އިން މޯލްޑިވްސް ޓްރެވެލް އެވޯޑްސްގެ ގެސްޓްހައުސް އެޑިޝަނަށް ވޯޓުލުމުގެ ފުރުސަތު ހުޅުވާލައިފިއެވެ. މަޓާޓޯއިން ބުނީ މިމަހުގެ 31 ގެ ނިޔަލަށް ވޯޓުލުމުގެ ފުރުސަތު ހުޅުވާލެވިފައިވާކަމަށެވެ. އޮންލައިންކޮށްވެސް އަދި އެސްއެމްއެސް މެދުވެރިކޮށްވެސް ވޯޓުލެވޭނެކަމަށް މަޓާޓޯއިން ބުނެއެވެ.
ޓްރެވެލް އެވޯޑްސްގެ ގެސްޓްހައުސް އެޑިޝަނަށް ހޮވޭ ފަރާތްތައް ހޮވާނީ %60 ވޯޓާއި ޓްރިޕް އެޑްވައިޒަރއިން ދޭ %40 މާރކްސްއަށް ބެލުމަށްފަހުއެވެ. މޭމަހުގެ ނިޔަލަށް ގެސްޓްހައުސް އެޑިޝަނަލް ނޮމިނޭޓް ކުރުމުގެ ފުރުސަތު ބަންދުވެފައިވާއިރު، 15 އެވޯޑަށް މުޅި ޖުމްލަ 111 ފަރާތެއް ވަނީ ނޮމިނޭޓްކޮށްފައެވެ.
މިއަހަރުގެ ގެސްޓްހައުސް އެޑިޝަން އޮންނާނީ ހުޅުމާލޭގައިކަމަށް މަޓާޓޯއިން ބުނެއެވެ. މިއަހަރުގެ އެވޯޑް ހަފްލާ ބާއްވަނީ މަޓާޓޯއާއި ގެސްޓްހައުސް އެސޯސިއޭޝަން އޮފް މޯލްޑިވްސް ގުޅިގެންނެވެ. މިއީ މަޓާޓޯއިން މޯލްޑިވްސް ޓްރެވެލް އެވޯޑް ބާއްވާ 7 ވަނަ އަހަރެވެ. މިއަހަރުގެ ޓްރެވެލް އެވޯޑްސް ގައި ބޭއްވުމަށް ހަމަޖެހިފައިވަނީ 2 އެޑިޝަނެކެވެ. އެއީ ގެސްޓްހައުސް އެޑިޝަނާއި، ގާލާއެވެ.