ނައިބްރައީސް އަހުމަދު އަދީބް، ޗައިނާގެ ނައިބްރައީސް ލީ ޔުއާންޗާއޯ އާއި ބައްދަލުކުރައްވައިފިއެވެ.ނައިބްރައީސް އަހްމަދު އަދީބް ރަސްމީ ދަތުރުފުޅެއްގައި ޗައިނާއަށް ވަޑައިގެންފައިވަނީ މިދިޔަ އަންގާރަދުވަހުއެވެ.އެމަނިކުފާނުގެ މި ދަތުރުފުޅަކީ ސިލްކު ރޫޓާއި ގުޅޭ ގޮތުން ގައުމުތަކުގެ ސިޔާސީ ޕާޓީތަކުގެ މެދުގައި ބާއްވާ ބައްދަލުވުމެއްގައި ބައިވެރިވެ ވަޑައިގަތުމަށް ކުރައްވާ ދަތުރުފުޅެކެވެ. މި ދަތުރުފުޅުގައި ޗައިނާގައި ބޭއްވުމަށް ހަމަޖެހިފައިވާ ރާއްޖޭގެ ދެވަނަ އިންވެސްޓްމަންޓް ފޯރަމްވެސް އެމަނިކުފާނު ހުޅުއްވައި ދެއްވުމަށްވަނީ ހަމަޖެހިފައެވެ.ޗައިނާއަށް ފުރާ ވަޑައިގެންނެވުމުގެ ކުރިން މިދިޔަ އަންގާރަދުވަހު ނޫސްވެރިންނާއި ބައްދަލުކުރައްވާ ނައިބްރައީސް ވަނީ މިދަތުރުފުޅުފުޅުގައި ޗައިނާއާއިއެކު ރާއްޖެއިން ކުރިއަށްގެންދާ ތަރައްގީގެ ޕްރޮޖެކްޓްތަށް ޚާއްސަކޮށް ބްރިޖް ޕްރޮޖެކްޓާއި، އެއަރޕޯޓް ތަރައްގީކުރުމުގެ މަސައްކަތުގެ ލޯނާއި ގުޅޭގޮތުން އިތުރަށް ވާހަކަދެކެވިގެންދާނެކަމަށާއި މި ދަތުރަކީ ރާއްޖެއަށް ގިނަ ފައިދާތަކެއް ކުރާނެ ދަތުރެއްކަމަށް ވިދާޅުވެފައެވެ.