ޚަބަރު
ކާރިސާގެ ވަގުތު ޤައުމުތަކުން އިޖާބަ ދިނުމާގުޅޭ ސަރަޙައްދީ ކޮންފަރެންސެއްގައި ރާއްޖެއިން ބައިވެރިވެއްޖެ
-
މި ކޮންފަރެންސް ކުރިއަށްދަނީ ޖުލައި 12 އިން 21 އަށް
-
ޖުމްލަ 13 ޤައުމަކުން 150 އަށްވުރެ ގިނަ މަންދޫބުން ބައިވެރިވޭ
-
ރާއްޖޭގެ ފަރާތުން ބައިވެރިވީ އެމް.އެން.ޑީ.އެފްއާއި އެންޑީއެމްއޭއިން
-
ކާރިސާގެ ވަގުތު އިންސާނީ އެހީ ފޯރުކޮށްދިނުމުގެ ޤާބިލުކަން އިތުރުކުރުން މުހިންމު
ސައުތު އޭޝިއާ ރީޖަނަލް "ޑިޒާސްޓަރ ރެސްޕޮންސް އެކްސަސައިޒް އެންޑް އެކްސްޗޭންޖް" ކޮންފަރެންސްގައި ދިވެހިރާއްޖެއިން ބައިވެރިވުން / ފޮޓޯ: އެމް.އެން.ޑީ.އެފް
ސައުތު އޭޝިއާ ރީޖަނަލް "ޑިޒާސްޓަރ ރެސްޕޮންސް އެކްސަސައިޒް އެންޑް އެކްސްޗޭންޖް" ކޮންފަރެންސްގައި ދިވެހިރާއްޖެއިން ބައިވެރިވެއްޖެއެވެ.
ޕެސިފިކް ކަނޑުގައިވާ މައިކްރޯނީޝިއާ ޖަޒީރާއެއް ކަމަށްވާ ގުއާމްގައި ޖުލައި 12 އިން 21 ވަނަ ދުވަހުގެ ނިޔަލަށް ކުރިއަށްދާ މި ކޮންފަރެންސްގައި ޖުމްލަ 13 ޤައުމަކުން 150 އަށް ވުރެ ގިނަ މަންދޫބުން ބައިވެރިވެއެވެ. މި ކޮންފަރެންސްގައި ދިވެހިރާއްޖޭގެ ފަރާތުން ޤައުމީ ދިފާޢީ ބާރާއި، ނޭޝަނަލް ޑިޒާސްޓަރ މެނޭޖުމަންޓް އޮތޯރިޓީގެ އޮފިޝަލުން ވަނީ ބައިވެރިވެވަޑައިގެންފައެވެ.
މި ކޮންފަރެންސަކީ ދިމާވާ ބޮޑެތި ކާރިސާތަކުގައި ދޭދޭ އަދި އެކުވެރި ޤައުމުތަކުން ގުޅިގެން އިޖާބަ ދިނުމަށާއި، އިންސާނީ އެހީތެރިކަން ފޯރުކޮށްދިނުމަށް ތައްޔާރުވެ، ޤާބިލުކަން އިތުރުކުރުމުގެ މަޤްޞަދުގައި ބާއްވާ ބައްދަލުވުމެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ