ނިލަންދޫ އެއާޕޯޓު: ރައްޔިތުންގެ އުންމީދާއި ގުޅިފައިވާ މަޝްރޫޢެއް
ގާތްގަނޑަކަށް 1800އެއްހާ މީހުންގެ އާބާދީއެއް ހިމެނޭ ނިލަންދެ އަތޮޅު އުތުރު ބުރީގެ ވެރިކަންކުރާ ރަށްކަމުގައިވާ ނިލަންދޫގެ ރައްޔިތުން އެންމެ ބޭނުންވާ އެއްކަމަކީ ރަނގަޅު ދަތުރުފަތުރުގެ ނިޒާމެކެވެ. ފ. އަތޮޅަކީ ރާއްޖޭގައި އެއަރޕޯޓެއް ނެތް މަދު އަތޮޅުތަކުގައި ހިމެނޭ އެއް އަތޮޅެވެ. އެއަތޮޅުގެ ރަށްރަށަށް ދަތުރުކުރާ އުޅަނަދުފަހަރުތައް އެއް ރަށުުން އަނެއް ރަށަށް މަޑުކުރަމުންގޮސް ކުރާ ދަތުރަކީ ތަކުލީފު ބޮޑު ދަތުރެކެވެ. މިތަކުލީފު އިތުރަށް ބޮޑުވަނީ ވިއްސާރަ ދުވަސްވަރުތަކުގައި ދަތުރުކުރަން ޖެހުމުންނެވެ.
